Skítakuldi í hitabeltinu

Ég er nú frekar til í að þurfa að kæla mig hérna í Floridanu. En það er ekki þörf á kælingu núna því hitinn úti eru bara litlar 8 gráður,  jamm ég er ekki að grínast og 8 gráður hér eru KALDAR. Við víkingarnir drifum okkur samt í golf eldsnemma.  Dressuð í síðbuxur og síðerma börðumst við, við kuldann og golfvöllinn.  Gamli spilaði flott golf og hafði lítið fyrir því að vinna mig. 

Á morgun dregur svo til tíðinda,  við erum að fara að horfa á golfmót, við erum að fara að horfa á Arnold Palmer invitational.  Fyrsta mótið eftir að Arnold Palmer dó.  Þarna verða allar skærustu Golf stjörnurnar. Við vorum svo ljónheppin að fá passa í klúbbhúsið.  

Lífið í sveitinni er ljúft eins og vanalega.  Við erum búin að kaupa ný húsgögn,  búið að mála og ditta að ýmsu, svo núna getum við notið þess að vera hér,  vona bara að fari að hlýna. 

Aðeins farin að kíkja á stjörnulífið og það er eins og venjulega krassandi,  bara ein frétt núna.  Haldið ekki bara að John Travolta sé að verða kona, legg ekki meira á ykkur.

Er að skottast í löns. 

 

 

 

Flugvélablogg

Það er flugvélin sem ber eldstöðvarheitið Elborg sem skottast með okkur yfir hafið í dag. Flugtíminn er stuttur aðeins 7 klst og 10 sem er í fínu lagi. Við erum soddan luxusrottur að við höfum heila sætaröð bara fyrir okkur, frekar næs.
Við erum að fara heim í Bonville Dr í enn eitt skiptið, en……. Eitt er öðruvísi. Húsið okkar er upptekið svo við gistum í nótt á hóteli. Það er alveg nýtt. En svo tekur alvaran við, auðvitað er golfkeppni, nema hvað, við ætlum að hitta vini okkar og best af öllu þá ætlum við að njóta þess að vera í fríi. Nenni ekki meira bloggi í bili. Það eru tæpir 7 tímar eftir. Bíó, ét, legg og svo bið eftir lendingu.
Óver and át

Þvottefnisdrama

Er næstum því komin að því að kaupa mér þvottefnis pakka hér í land tækifæranna. En mér finnst það svo mjög klikkað að bera þvottefnispakka yfir hafið .  En málið er að á landinu bláa virðist nánast vera þvottefnis einokun. Ef þú vilt ekki Aríel, þá ertu í ljótum málum. En hér eru heilu rekkarnir í búðinni með allskonar þvottefnis tegundum. Ég heimsæki þessa rekka með blik í augunum og læt mig dreyma um að eitthvað af þessum dásamlegu tegundum eignist lögheimili í þvottahúsinu mínu.  En mér finnst ennþá bjánalegra að bera þvottaefni yfir hafið  en dásamlegu handsápurnar sem ferðast með mér reglulega . Hvað á Bonville frúin að gera? Er ekki últra agalegt að vera tekin í tollinum með hvítt duft í farteskinu?  En mig langar svo í einn pakka!!!

Þetta er Bonville frúin að brjóta heilann yfir síðasta daginn, sitjandi makindalega við  sundlaugarbakkann í 26 gráðumeð. Það er ekki flókið lífið í Bonville . 

Ráðleggingar vel þegnar.

Það var aðkeypt pizza í gærkvöldi . 

Stjörnurnar klikka ekki.

Ég lofaði krassandi fréttum.  Veit varla hvar ég á að byrja.

Ein fréttin segir að Amal og George séu að skilja og það eru 300 milljónir dollarar í spilinu.Obboð sorglegt, þau eru svo mikil krútt . Hef reyndar lesið um þennan skilnað fyrir margt löngu amk á Hollywood mælikvarða, svo hvur veit.

Hann Harry í höllinni er búinn að barna kærustuna sína og Beta ekki par hrifin vill að pilturinn haldi sér í buxunum svona fyrir hjónabandið . 

Skassið hún Angelina sér svona líka eftir ljúflingnum honum  Brad og vill endilega að hann segi Kate upp og komi aftur heim. Þetta er erfitt fyrir angsnn hann Brad því hann er bálskotinn í Kate . 

Kim bíður reddí með skiknaðarpappírana ,  hún bara bíður eftir Kanye losni úr lúníbinninu. Verð að segja að ég vorkenni henni töluvert.

Úff ekki má gleyma honum Tom Cruise.  Haldiði ekki að bæði Katie og Nicole séu búnar að kjafta frá öllum hans ómögulegheitum í vísindakirkjunni og er af nógu að taka.

Já og talandi um Katie.  Þá er hún ólétt eftir hann Jamie, það slær ekki slöku við stjörnufólkið.

Það er ekki stafkrókur um góða vini mína John og Kelly, ætli sé þá ekki bara allt í lukkunar velstandi hjá þeim.  Ekki heldur neitt um skilnaðinn hjá Barböru og Josh.  Mér þykir frekar leiðinlegt að frétta ekkert af þessum heiðurshjónum.

Annars er lífið í sveitinni okkar ákaflega ljúft.  Golfkeppnin í fullum gangi, eins og er þá er frúin yfir, en það er ekki ennþá örugg forysta.  Sendið sigur strauma yfir hafið takk fyrir. 

Ég er búin að versla eitt og annað, ekkert samt nema það bráðnauðsynlegasta eins og gefur að skilja, maður er nú ekki að skrensast í búðir í einhverri vitleysu.

Gæri trúað að það yrði steik í kvöld.

Óver and át

Andsk..... kuldi

Brrr þetta er ekki fyndið .  þegar við opnuðum augun í morgun vá hvað hann var kaldur. En víkingarnir við létum það ekki á okkur fá og skötluðumst á Providence, enda búið að að panta tíma. Það voru aðeins 10 ískaldar gráður, ískaldur vindur og stöku skúrir. Er einhver að hugsa að auðvitað höfum við hætt við golfhring? Neibb við hættum ekki við, gamli meira að segja í stuttbuxum, við þræluðumst heilan hring. Sem betur fer varð veitingavagninn á leið okkar á 12 holu og vá held að kaffi hafi aldrei komið sér betur ♨♨♨. Eins og sönnum víkingum sæmir kláruðum við hringinn og núna er ég að reyna að hita gamla upp 😨😨😨. 

Vonumst eftir betri tíð á morgun amk segir veðurstofan að heimskautavindar hafi náð alla leið hingað suður og á morgun hlýni aftur.

Í tilefni dagsins ætlar frúin í Walmart á eftir.

Grenjandi rigning í gær.....

Og hvað gerir Bonville frúin þá? Auðvitað skottast hún í búðina, með Bonville bóndanum og kaupir ísskáp.  Sá gamli orðinn lúinn, þ.e. ísskápurinn og harðneitar að láta frá sér klaka, sem hann er samt búinn að puða við að búa til. Að sjálfsögðu keyptum við svona Amerískan, annað hefði nú verið dálítið bjánalegt. Var ekki fyrir svo löngu að skoða svona skápa á landinu bláa og hefði þurft að láta af hendi ca 250 þúsund kall, halelúja. Reikningurinn fyrir okkar nýja er um 85þúsund kall, innifalið ný vatnsslanga, piltur sem setur allt í samband og svo lætur hann þann gamla hverfa. Finnst einhverjum öðrum en mér þetta óheyrilega mikill verðmunur?  Reyndar er ekki hægt að fá gripinn afhentann fyrr en á mánudaginn, sem okkur bláalandsbúum þykir ömurlegt, ég hefði auðvitað viljað fá hann í dag og ekkert múður. 

Það hellirigndi í allan gærdag, svo ekki var restinni af deginum eytt við laugina. 

Í morgun var farið í golf og svo voru vinir okkar í Kohls heimsóttir og hjálpi mér allir heilagir hvað við tókum rösklega á því.  Kohls réð sér ekki fyrir kæti og gaf okkur gommu í afslátt, það er sannarlega gott að eyða aurunum sínum hérna.

Í gærkvöldi var skelfiskur í matinn. 

Einhverjar hugmyndir hvað ég á að kaupa í matinn fyrir gamla að elda.

Tjá frá sundlaugarbakkanum.

Ljúfa lífið í sveitinni

Við gömlu höfum það eins og svín í sagi í sveitinni okkar .  Hitinn alveg fullkominn kannski 25 kall og við alveg að fíla að vera ekki kappklædd . 

Er aðeins búin að skanna stjörnulífið og það er af nógu að taka .  Krúttið hann Brad er víst búinn að jafna sig eftir skassið hana Angelínu og farinn að knúsa hana Kate Hudson .   Angastýrið hún Kim er í mesta basli með Kanye hann er alveg kolkreisí anga kallinn og Kim alveg í rusli . Og haldiði ekki að hann Marc sé að reyna að koma sér í mjúkinn afturhjá J.Lo? gangi honum vel . Já og Keith var þvílíkur dópari að hefði Nicole ekki orðið skotin í honum tja þá væri hann væntanlega dauður og ekkert minn.

Well ætla að skottast í sturtu því við erum á leiðinni í nudd á eftir.

Það var steik í gærkvöldi og örugglega eitthvað gómsætt í kvöld . 

Hvurnig væri svo að kommenta?

Flugvélablogg

Það er flugvélin sem ber eldstöðvrheitið Dyngjufjöll sem ber okkur yfir hafið í þetta skiptið. Flugtíminn frekar langur 7,45 tímar, en við í góðum gír að fara „heim“ eftir allt of langan tíma.
Það var dálítið merkilegt í dag, við heimsóttum báðar frábæru stelpurnar okkar í vinnuna í dag. Byrjuðum á stubbunni, þarna var hún litla barnið okkar að hlúa að sjúklingi, ég bara kíkti , obbbbb mátti kannski ekki, en ég stóðst ekki mátið, hún var svo fumlaus og flott og mamman að springa úr stolti. Svo var það sú eldri sem við hittum í Leifsstöð. Aftur rifnaði mömmuhjartað af stolti. Hún var að segja okkur hvað hún er að vinna í flugstöðinni. Ég held að það hafi aldrei verið montnari mamma. 2 stelpur svona frábærar, svona gersamlega ólíkar og báðar svona flottar fagkonur hvor á sínu sviði.
En við stóðumst ekki mátið að skreppa „heim „ held að það hafi aldrei liðið svona langur tími milli ferðalaga, síðan við ákváðum að eiga athvarf í yndislegu Flórída. Það er bara stutt í þetta skiptið, enda eru að koma jól og við verðum auðvitað að standa klár þá.
Það eru 7.04 tímar í lendingu og ég ætla að kíkja á bíó og það er ekki Shallow Hal í dag, hann er ekki lengur í boði....

 

 

Flugvélablogg

Það er flugvélin sem ber eldstöðvrheitið Dyngjufjöll sem ber okkur yfir hafið í þetta skiptið. Flugtíminn frekar langur 7,45 tímar, en við í góðum gír að fara „heim“ eftir allt of langan tíma.
Það var dálítið merkilegt í dag, við heimsóttum báðar frábæru stelpurnar okkar í vinnuna í dag. Byrjuðum á stubbunni, þarna var hún litla barnið okkar að hlúa að sjúklingi, ég bara kíkti , obbbbb mátti kannski ekki, en ég stóðst ekki mátið, hún var svo fumlaus og flott og mamman að springa úr stolti. Svo var það sú eldri sem við hittum í Leifsstöð. Aftur rifnaði mömmuhjartað af stolti. Hún var að segja okkur hvað hún er að vinna í flugstöðinni. Ég held að það hafi aldrei verið montnari mamma. 2 stelpur svona frábærar, svona gersamlega ólíkar og báðar svona flottar fagkonur hvor á sínu sviði.
En við stóðumst ekki mátið að skreppa „heim „ held að það hafi aldrei liðið svona langur tími milli ferðalaga, síðan við ákváðum að eiga athvarf í yndislegu Flórída. Það er bara stutt í þetta skiptið, enda eru að koma jól og við verðum auðvitað að standa klár þá.
Það eru 7.04 tímar í lendingu og ég ætla að kíkja á bíó og það er ekki Shallow Hal í dag, hann er ekki lengur í boði....

 

 

Fullorðnir karlmenn í sokkabuxum.

Og hana nú.  Við erum orðin svo obboð listhneigð að við drifum okkur að sjá ballett.  Við nefnilega sáum San Francisco ballettinní Hörpu og vorum svo hrifin að að við hugsuðum okkur ekki tvisvar um þegar Hnotubrjóturinn stóð til boða.

Hjónin dubbuðu sig upp og héldu á vit menningarinnar. Eins og sannir menningarvitar fengum við okkur hvítvínstár fyrir sýningu sem var ákaflega ljúft. Eins og sannir menningarvitar settumst við tímanlega inn í sal.  Þá komst ég að því að hljómsveitarmeðlimir voru fæstir með sitt á þurru. Af hverju eru þeir annars að glamra á hljóðfærin sín fyrir giggið? Ég verð að segja að þeir eigi að vera með sitt reddy, ef þeir myndu svo klikka í miðjum dansi OMG yrðu þá ekki ballett dansararnir alveg ruglaðir og kannski bara dettandi um allt sviðið. Nei  hljóðfæraleikarar æfið ykkur vel fyrir giggið.

Ballettinn.......  Við blunduðum bæði fyrir hlé. Ég held að maður hafi þurft að vita hvað var í gangi. En eftir hlé og annað hvítvínsglas var skemmtilegra þá þekkti ég tónlistina.  Ég sá samt að þetta var ákaflega vel gert en ekki alveg fyrir mig . 

Ungir karlmennirnirí sokkabuxum litu ekkert illa út en ég flýti mér ekkert aftur á svona klassískan ballett .