Íslenska karlalandsliðið í fótbolta og ég....

Hvað skyldum við eiga sameiginlegt?  Jú við förum í hvern leik algjörlega sannfærð um að vinna......  og það gerist sjaldnast æi æi æi, ég tapaði aftur í dag.  En ég vann í gær jey jey jey olei olei olei.  Ekki með neinum glæsibrag en ég drattaðist til að vinna samt.

En dagurinn í gær var obboð góður.  Frúin byrjaði á ferð í búð. Kom nú samt heim næstum tómhent, get svo svarið það,  hvað er eiginlega í gangi?  mér þykir allar tuskur svo ljótar, hvort sem er heima eða í Target, held ég sé algjörlega að missa að, er að hugsa um að drífa mig í mollið á eftir, gamli ætlar að glápa á Masters.  Vona að það sé eitthvað huggulegt til í mollinu.

Vitið í gærkvöldi var enn ein matarhátíðin.  Gamli eldaði (einhver hissa?) og ég fékk krækling og rækjur, ég næstum slefa við tilhugsunina, þetta er algjört nammi og ekki skemmdi fyrir að skola yndislegheitunum niður með ljúfu hvítvíni.  Svo er snemma í bólið og snemma á fætur.  

Í dag er rok, hann var svalur í morgun og ennþá er rok en orðið hlýrra...  hvað skal þá gjöra?   FARA Í MOLLI jey jey jey  vonandi að tuskurnar séu fínar þar

Óver and át

 

Athugasemdir

[Milla (IP-tala skráð) 13.4.2013 kl. 00:03]

Elsku stelpan. Verðum við ekki bara að senda þér systur tvær, alvanar í mollum og innkaupum. Víla ekki fyrir sér að kaupa og kaupa og kaupa. Tuskur, skó, töskur, barnaföt, barnaleikföng, barnakerrur, barnastóla, krem og kruðerí, jú neim it, ví bæ it. Sei ðe vord and ví vill komm.

Lov jú

Milla

p.s. koma so og vinna næsta leik!!!!!!!!!!!!!1

[Þórdís Richter (IP-tala skráð) 13.4.2013 kl. 09:11]

Þetta þykir mér ekki gott. Ég hef aldrei staðið frammi fyrir þessu og ég get ekki ímyndað mér hvernig það er. Ég bíð mig fram með Millu til að mæta og taka nokkra skrensa í mollinu, mollunum, outlettunum og öllu öðru. Þigg bara steik í staðinn.

Hvenær eigum við að mæta í aðstoðina.

bestu kveðjur úr sól og "blíðu" hér heima.

Dísa

[krissi bro (IP-tala skráð) 13.4.2013 kl. 12:50]

öfund - öfund / Nýkominn úr tropical Costa Rica í 4°C frost á þessum klaka.

Kuldaþol versnar með aldrinum> ekki spurning.

Njóðið blíðunnar í Bonnbæ

Krissi bro

[Einar (IP-tala skráð) 13.4.2013 kl. 21:05]

Hvaða blammeringar eru þetta í Krissa "gamla" á klakann okkar.  Er að koma frá París þar sem það var frost síðasta sunnudag og ég á hlírabol og stuttbuxum!  Maður veit þó að hverju maður gengur hérna en þar... ble ekki einu sinni opin kaffihús í frostinu á sunnudegi.

Ein ferð í bót frú María og þú finnur tusku sem þér líkar, alveg viss.