Ég fíla mig svo vel hérna

Mér finnast kanar svo yndislegir.  Amk þessir sem við kynnumst hérna í hverfinu okkar, úti í búð, á golfvöllunum og eiginlega bara hvert sem við förum.  Í gær fórum við að golfa (hvað annað?) á Providence.  Þar eru margir vinir okkar sem fluttu sig héðan frá Highlands Reserve.  Þegar við komum á Providence eru aldeilis fagnaðarfundir.  Fólkið þar fagnar okkur eins og við séum uppáhaldsvinir þeirra.  Í gær meira að segja leysti Marion okkur út með gjöfum og lét fylgja með hvað henni þætti vænt um að við skyldum koma og heimsækja þau.  Mér finnst þetta yndislegt.

Í dag ætla gamli og kærastinn að glápa á úrslitaleikinn í meistaradeildinni  en ég og stubban ætlum að leggja land undir fót og sjoppa pínu lítið.  Vitum reyndar ekki hvernig ástandið verður þegar við komum  heim þar sem gamli heldur með Chelsea og kærastinn heldur með Man U.  Það verður bara að koma í ljós.  Hvað sem gerist erum við búin að bóka okkur í golf kl. 7:40 í fyrramálið. 

Í gærkvöldi fórum við í Downtown Disney og röltum þar um í nokkurn tíma, fengum okkur að borða og nutum Disney í botn.  Það er ótrúlegt hvað Disney er stórkostlegt,  þarna var fullt fullt af fólki og fullt að gera.

Verð að hætta, meira að segja stubban er tilbúin, ég er að fara að sjoppa, má ekki vera að þessu meir.

Vona að sólin fari að skína heima á Íslandi því ég er að koma heim eftir bara viku

Athugasemdir

[Klúx (IP-tala skráð) 22.5.2008 kl. 16:43]

Góðar hugleiðingar um ágæti Kananna - sammála.  Því miður er stór hluti af hversu vel ykkur líður einmitt útaf því að þið eruð gestir í skamman tíma. Á isl. er skemmtun skrifuð með tveim emmum - dregið af orðinu 'skammur' -  Bretar flytja í pension mikið til S-Frakklands og Spánar.  Selja allt heima og hjúkra gigktinni og kvefinu í sunny France..... en... 2/3 hluti þeirra flytja aftur heim.  Njótið í skamman tíma .. og látið ykkur dreyma þess á milli... en lengið alltaf í frýjunum....  lengið, dregið af leiðinlegur  !

Klux