Snillingur og stórhættulegur snákur!!!

Byrja á snáknum.  Ég bloggaði í vor um skröltorm einn ákaflega litinn og vesældarlegan, þið munið þennan sem stökk á kústinn og við hlógum þessi ósköp að?  Well mæ dírest, hann Bill á golfvellinum var að segja okkur í morgun að þessi ræfill er sko enginn ræfill.  Hann heitir Piggie Rattler og er STÓRHÆTTULEGUR.  Ef hann nær að bíta mann þá er sko eins gott að drífa sig á hospítal í einum logandi hvelli, annars gæti maður bara endað steindauður.  Eins gott að við gömlu vissum ekki af þessu í vor.

Svo kemur snillingurinn.  Við spiluðum golf í morgun,  hvað annað?  Spiluðum með honum Bill á golfvellinum og vitiði snillingurinn ég átti besta hringinn í ferðinni hingað til.  Takið eftir að ég segi hingað til, því við eigum ennþá 3 hringi eftir og nægur tími enn til framfara .  Hann Bill lætur alltaf svo lítið yfir sér, en maðurinn getur spilað golf vá, hann spilaði á 73 höggum og hann er hundgamall.  Hann er líka búinn að spila golf síðan hann var 9 ára og er sirka 150 ára núna, nei djók, kunni ekki við að spyrja hann hvað hann væri gamall.  En við gömlu reiknuðum út að við yrðum kannski jafn góð og hann þegar við verðum 98 ára.

Þori varla að lesa moggann þessa dagana, held að verðbréfaguttarnir megi nú skammast sín og hana nú.  Búnir að vera á flottu fylleríi  og svo þurfum við öll að taka þátt í mestu timburmönnum ever.

Komum heim á fimmtudagsmorguninn, væri sko alveg til í að taka ráðum Klux og framlengja fram að jólum, en við dröttumst heim.  Ferðin búin að vera ein af þeim allra bestu hvorki meira né minna.

 

Athugasemdir

[Klux (IP-tala skráð) 6.10.2008 kl. 10:20]

Ánægjulegur lestur í krepptum-kuldanum.  Sjálf-töku-flokkurinn er nú búinn að ákveða hverjir fá Glitnis-hlutann þegar hann verður vina-væddur á ný, búið að hafa lífeyrinn af skrílnum svo nú er hægt að hita undir kjötkötlunum aftur... back to business as usual.  Nú eiga allir að "snúa saman bökum" og gleyma öllum leiðindum einsog kvótan og þannig smá-málum.  Held ég flytji til Flórída.   Klux