Er þetta sami maðurinn?

Var ég ekki að hlusta á þennan sama Árna Pál í útvarpinu í síðustu viku?  Þar fór hann mikinn um hvað fólk hafi farið óvarlega í lántökum, allir, já allir fóru óvarlega í lántökum og þess vegna eru allir í vandræðum.

Ég er búin að semja bréf til mannsins í huganum, átti bara eftir að finna réttan vettvang til að koma því á framfæri.  Þvílíkur hroki í einum manni amk þarna í útvarpinu í síðustu viku.  Sá maður var sko ekki í nokkrum takti við raunveruleikann.  Hann var eiginlega eins og forstjóri Straums sem var svona sambandslaus þegar hann bað um stórbónusana fyrir sig og sína.

Ég var svo yfir mig bit að ráðherra í ríkisstjórn Íslands, léti út úr sér þau orð sem ég heyrði hann segja að hið hálfa hefði verið miklu meira en nóg.  Og að þessi maður sé þingmaður í mínu kjördæmi, það fannst mér eiginlega bíta höfuðið af skömminni.  Ég get þó verið hreykin að hafa ekki kosið hann og er því blessunarlega laus við að hafa orðið þess valdandi að hann er þingmaður í mínu kjördæmi og ráðherra.

En það er gott að einhver er búinn að taka manninn á teppið.  Hann minnir mig nú reyndar á Ragnar nokkurn Reykás, yfirlýsingaglaður með eindemum og snýst í marga hringi í skoðunum sínum.

En þetta finnst mér að minnsta kosti.

Ráðherra vill afskrifa skuldir

Athugasemdir

[Viðar Ingvason (IP-tala skráð) 22.8.2009 kl. 14:47]

Árni Páll er skítseiði.

[DoctorE (IP-tala skráð) 22.8.2009 kl. 14:51]

Þetta er Árni og Mr. Hyde

[Ingvar Örn Ingólfsson (IP-tala skráð) 22.8.2009 kl. 22:33]

Hann Á.P.Á. hefur aldrei laggst á móti niðurskurði bara flötum niðurskurði sem er ekki nein brú á bakvið.

 Semsagt með því að skera niður flatt alla um 20% þá myndi t.d. maður sem skuldar 20 miljónir í 60 miljóna króna húsi fá niðurskurð upp á 4 miljónir, svona niðurskurður myndi kosta bankana og þjóðina einhver hundruði miljarða og aðilinn sem átti húsið og stóð alveg við sýnar skuldbindingar hann græddi fjórar miljónir.

En það sem Á.P.Á. er að segja að hann sé hlynntur er að aðili sem á hús sem er metið á 20 miljónir með lán upp á 26 millur mun geta fengið niðurskurð svo að húseignin standi undir láninu með þá t.d. 80% veðsetningu semsagt hann myndi vera með lán upp á 18 millur eftir á en fengi niðurfellingu upp á 8 miljónir, þetta myndi kosta bankana og þjóðina svipað og 20% á línuna þó að allir myndu ekki fá niðurfellingu en allir þeir sem þyrftu á henni að halda myndu fá hana. Hitt dæmið hefði skylið þennan aðila ennþá eftir með lán upp á rúmlega verðmæti húseignar svo hann myndi ekkert vera betur settur en hann var fyrir niðurfellingu.

 Við höfum ekki mikið svigrúm og mér þykir það fáránlegt að heyra fólk tala um það eigi bara að fella niður allt, það er bara ekki hægt við verðum að lifa í raunveruleikanum.

[sandkassi (IP-tala skráð) 26.8.2009 kl. 04:21]

hann er kolbilaður, ekkert vit í honum.