Það snarkaði í vatninu....

í sundlauginni þegar ræfillinn ég dróst ofaní, eftir erfiða setu á sólbekknum við lestur  á mikilvægum upplýsingum um hvað stjörnurnar eru að aðhafast.  Ég get svo svarið það að hann Brad Pitt er algjörlega hættur að nenna að hafa sig til og Angelina er alveg að tjúllast yfir því.  Hvað gengur eiginlega að manninum?  Og flagarinn hann Justin Timberlake, sagði aumingja Jessicu Biel bara upp með SMS, durturinn og er svo farinn að deita Rhiönnu.  Hvað er eiginlega að gerast.

En ég stend mig í stykkinu að fylgjast með. 

Hitinn hérna í Florida er mikill þessa dagana.  Það eru sett hitamet uppá hvern einasta dag og í dag fór hitinn í heilar 35 gráður og svona á að vera fram yfir helgi.  Ég er að vona að dálítið af lýsinu utan á mér bráðni við hitann og tel því ekki eftir mér að flatmaga á bekknum með slúður og bleika stöffið við hendina.  Við förum í golf á hverjum morgni, ákváðum fyrstu dagana að vakna bara sjálf og fara af stað í golfið bara svona þegar við nenntum, sem ætti að vera fínt í október, en núna þegar er sumarhiti þá er það bara ekki hægt, þannig að núna erum við aftur komin í rútínuna að vakna áður en hanarnir eru farnir að láta sér detta í hug að opna augun og fara í bólið rétt eftir sólarlag.  Þetta bara hentar okkur ágætlega.

Núna er Háhæðarliðið komið til San Fransisco.  Svo koma þau hingað næsta miðvikudagskvöld.  Eins gott að hitinn verði farinn að lækka því annars er ég hrædd um að herra Háhæð fríki út.....

Well gamli kominn niður fínn og strokinn.  Við á leiðinni út að borða ...

 

 

Sí ja.

Athugasemdir

[Helena (IP-tala skráð) 9.10.2009 kl. 14:29]

Hey.. takk fyrir fréttirnar af stjörnunum. Ég kemst sjaldan í slúðrið svo þetta er fyrirtaks upplýsingaþjónusta.

Tengdamamma þín sagði mér eitt sinn að maður dytti svo í rútínur þegar maður væri farinn að eldast... hm....

Svo er bara að kaupa blævæng fyrir Hr Háhæð ja eða skella á hann blautu handklæði að hætti Jóns.

Endjoí jorselvs