Blogg blogg blogg

Úff er ekki kominn tími á blogg???   Er búin að vera að njóta lífsins síðustu daga í þessari líka brakandi blíðu.  Reyndar hefur mér findist vera pínu "gluggaveður", því þegar á golfvöllinn er komið þá virðist alltaf vera hvasst.   Er aldrei logn á þessu blessaða landi?  ég bara spyr. 

Við gömlu fórum á þjóðhátíðardaginn og keyptum sumarblóm sem er nú vart í frásögur færandi, nema fyrir verðið..... obbosí það kostar alveg helling að gera huggulegt í garðinum sínum.  Okkur langaði í einhver hugguleg ker til að skutla stjúpunum í  en maður þurfti næstum að fá lán fyrir þeim.  Hver kaupir þetta?  Amk ekki ég, ég holaði bara mínum fínu stjúpum niður í beð og keypti ekki neitt ker  og ætla sko ekki að kaupa neitt ker í bráð verðið er algjörlega út í hött.  Eigum við kannski að tala svo um gerfiblómin?  Hef verið með þessi drellfínu gerfiblóm í einu hengi, þið vitið þá þarf ekki að vökva eða neitt.  Þau eru nú orðin dálítið föl og lúin svo okkur datt sú fáviska í hug að endurnýja.  Nei þau verða endurnýjuð með hitabeltisplastblómum sem við kaupum í WalMart fyrir slikk í næstu ferð okkar westur til USA.

Annars er lífið bara golf þessa dagana.  Ég er búin að golfa svo mikið að mig er farið að verkja í tærnar eftir allt þetta labb og er ég nú vön að labba.  Ætla samt aftur í golf í fyrramálið. 

Athugasemdir

[Milla systir (IP-tala skráð) 26.6.2008 kl. 12:00]

Þú ert heppnari núna, en hérna um árið þegar þú þurftir að berja sumarblómin niður í frosna jörðina, ná í þau niður í fjöru eftir að þau fuku þangað og á endanum að festa þau niður með tonnataki. Þessi niðursetning (eða þessi niðursetningur) hefur verið pís of keik. Kveðja Milla systir