Fer að styttast...

Við erum bara alveg að verða búin með fríið okkar.  Ég verð nú að segja að ég er ekki alveg tilbúin að koma heim í alla neikvæðnina.  O nei, þvílíkur léttir að fá frí frá öllum þessum leiðindafréttum og öllum "sérfræðingunum" sem hafa farið mikinn síðan í haust.  Mikið vildi ég óska að "sérfræðingarnir" og fjölmiðlamenn færu á jákvæðni námskeið.    Það virðist búin að vera mikil keppni í gangi um hver getur skúbbað leiðinlegustu fréttina.  Og við erum búin að vera fréttalaus í hálfan mánuð núna og ég sakna ekki fréttanna. 

Nema hvað við fórum í golf í morgun, einhver hissa.  Við fórum á völl sem heitir Deer Island.  Hann er staðsettur á eyju og eins og þið sáuð í gær þá hélt ég að hann væri hreinn hryllingur.  Nema hvað þetta var einhver skemmtilegasti völlur sem ég hef spilað.  Golfið var vara alveg þokkalegt, hefði mátt vera betra og hefði getað verið verra.  Svo eru bara 2 hringir eftir því við förum héðan eldsnemma á sunnudagsmorguninn til dagsdvalar í New York.

Það er búin að vera bongoblíða í allan dag en eins og stendur er mikið þrumuveður fyrir utan.  Eldingarnar eru stórkostlegar og þrumurnar sem þeim fylgja eru háværar mæ god!!!  En þetta er það sem þarf, ég vona að rigni í smástund.  Ótrúlegt að ímynda sér mig skrifa þetta.  Ég og rigning höfum nú ekki oft verið vinir.  En núna er hún velkomin.

Bestu kveðjur úr þrumunum í Davenport.

Athugasemdir

[milla (IP-tala skráð) 14.5.2009 kl. 22:14]

Ekki vera svona domm ljúfan.  Nú er komið logn og á morgun verður bongóblíða á landinu bláa.  Frá þið fóruð hefur ekki EIN einasta neikvæð frétt birst.  Hér er allt á blússandi ferð í sumarátt.  Reyndar eru túlipanaræflarnir mínir allir annað hvort blaðbrotnir eða stöngulbrotnir en hvað með það, ÞAÐ ER KOMIÐ SUMAR. 

Njótið lífsins

[krissi (IP-tala skráð) 15.5.2009 kl. 07:52]

Flottar myndir - Florida 3 -

Er til nokkuð annað í heiminum sem fólk hefur eins mikinn áhuga á og GOLF. Ég hef aldrei heyrt um neitt annað svipað þessu ? - Ótrúlegt

Skrítið fyrir hina, eins og mig, sem finnst þetta hund-leiðinlegt...öfund

Njótið þess sem eftir er -

Hafðu ekki áhyggjur af 'sérfræðingum síðan í haust' - Þeir voru í 18 ár / ekki síðan í haust... og eru ekki farnir enn.

Guð blessi Island