GOLF GOLF GOLF

Getið hvað við gerðum í dag?  Jú alveg rétt, við fórum í golf og ekki bara bara einu sinni heldur fórum við 2 hringi með smá pásu á milli.

Ekki misskilja mig, við slógum ekki slöku við í pásunni, við keyrðum í golfbúðina okkar og sóttum kylfuna hennar Sollu og gamli keypti sér líka eina kylfu.  Ég þurfti að fjárfesta í nýjum golfkúlum þar sem ég týndi heilum kassa af kúlum í gær. 

Golfið gekk betur í eftirmiðdaginn, en betur má ef duga skal.  Við förum auðvitað í fyrramálið aftur í golf, vitum ekki ennþá hvert við ætlum, en við erum svo heppin að það er ekki mikið að gera þessa dagana svo við getum væntanlega valið um velli sem við getum látið okkur líta illa út.

Var að lesa í virðulegu slúðurblaði í gær að Kalli prins og Camilla væru ekki lengur búandi saman, það er víst vegna þess að Camilla greyðið er fyllibytta.  Svona missir maður ekki af neinu hérna, slúðurblöðin sjá um það.

Óska Valdimar til hamingju með afmælið og sendi þeim öllum mínar allra bestu óskir og kveðjur.

Elskið hvert annað og öfundið mig af þvi að vera í þessu yndislega fríi.

 

Athugasemdir

[Þóranna Héðinsdóttir (IP-tala skráð) 15.5.2008 kl. 09:30]

hæ gamla !!  ég held að þið ættuð bara að fara að hætta þessu golf stússi og halda ykkur við sólböðin og rauðvínsdrykkjuna... allavega bíður þín fullt af rauðvíni þegar þú kemur til vinnu aftur..... því þú vannst rauðvínspottinn.....

 Gaman að heyra að þið hafið það gott.... njóið í botn.....kveðja Þóranna

[Klux (IP-tala skráð) 15.5.2008 kl. 16:40]

Sammála Þórönnu - Við fáum ykkur framseld ef þetta fer ekki að lagast. Snúið ykkur frekar af rauðvíninu og steikunum. Sama bliðan hér og ekki þarf að spila golf til að njóta þess ? hmmm.  Njótið í botn  Klux